Presennol:           Cadeirydd:                         H Hughes

                                                                        C Bainbridge

                      R Dalton

                                                                        R Davies

                      M Griffiths

                      J James

                      G B Jones

                                                                        A J Morris

                                                                        D Pryce Jones

                                                                        A Thomas

                                                                        D Tweedy

Yn bresennol:                Cynghorydd Sir:     R P Quant

                                    Clerc:                          M C Walker     

                                                                        4 aelod o'r cyhoedd

 

 

1.  Dim.

 

 

2.  Cynigiodd y Cyng. Morris y dylai'r Cyngor ethol y Cyng. Hugh Hughes yn Gadeirydd am ail dymor yn 2021/22. Eiliwyd y cynnig gan y Cyng. Bainbridge. Rhoddwyd ail enwebiad gerbron.

 

 

3. Tyngodd y Cyng. Hughes yn swyddogol ei fod yn derbyn y swydd a chychwynnodd ar ei gyfnod yn y gadair.

 

 

4.  Enwebodd y Cyng. Hughes y Cyng. Delyth Pryce Jones i wasanaethu fel Is-Gadeirydd ar gyfer 2021/22. Eiliwyd yr enwebiad gan y Cyng. Davies. Ni ddaeth dim enwebiadau eraill i law.

 

Gadawodd y Cyng. Bainbridge y cyfarfod.

 

 

5.  Anfonwyd copïau o Gofnodion y Cyfarfod Blynyddol a gynhaliwyd ar 6 Gorffennaf 2020 at bob Aelod drwy e-bost. Cadarnhawyd yn y cyfarfod ar 3 Awst 2020 bod y cofnodion yn gywir, Cofnod 32. 

 

 

6.   Mae 2020-21 wedi bod yn flwyddyn fythgofiadwy. Nodwyd 75 mlynedd ers diwrnodau Buddugoliaeth yn Ewrop a Buddugoliaeth yn Japan, digwyddodd Brexit, ac rydym ni oll wedi ein heffeithio i wahanol raddau gan COVID-19. Fel Cyngor, bu'n rhaid inni gyd ymgyfarwyddo â ffyrdd newydd o weithio. Bu un Aelod o'n plith yn absennol am sawl mis oherwydd salwch. Roedd yn hyfryd ei gweld yn dychwelyd at y Cyngor yn llawn. Croesawom aelod newydd i'n plith hefyd, sef y Cyng. Amy Pugh.

 

Lle bo hynny'n bosib, rydym wedi ceisio cefnogi, hwyluso a gwneud pethau i wella ein cymuned. Dyma rai o'r pethau yr ydym wedi'u cyflawni: rydym wedi trwsio ein safleoedd bws ac mae'r ffôn talu ynghanol y pentref wedi'i achub; cliriwyd sbwriel ac eitemau peryglus o'r parc cychod a chodwyd arwyddion a oedd yn ymwneud â chofrestru cychod. Cymerwyd camau hefyd i atal tipio anghyfreithlon yn y maes parcio. Rydym wedi codi pryderon dro ar ôl tro â Chyngor Sir Ceredigion ynglŷn â phobl yn ceisio cadw pellter cymdeithasol wrth iddynt gerdded drwy'r pentref. Mae meinciau a hysbysfyrddau'r Cyngor Cymunedol wedi'u hatgyweirio. Mae'r Cyng. Bainbridge wedi ymdrechu gydol y flwyddyn i sicrhau bod gwaith atgyweirio hanfodol yn cael ei wneud yn y parc chwarae, ac mae hefyd wedi llwyddo i sicrhau grantiau ar gyfer cyfarpar newydd. Er y bu'n rhaid aros i'r gweithwyr ddod i ymgymryd â'r gwaith oherwydd COVID-19, dyfalbarhau a wnaeth Carol ac ail-agorwyd y parc chwarae yn ddiweddar. Yn ogystal â hynny, llwyddodd i sicrhau grant er mwyn codi ymwybyddiaeth ynghylch y cwtiaid torchog, a hynny mewn cydweithrediad â Chyfoeth Naturiol Cymru. O ganlyniad i bryderon a godwyd gan aelodau o'n cymuned, penderfynodd y Cyngor ofyn cwestiynau ynglŷn â'r modd yr oedd ein Bwrdd Iechyd yn rhoi'r rhaglen frechu ar waith. Mae'n dda gweld bod y rhaglen yn rhedeg yn hwylus iawn erbyn hyn yng Ngogledd Ceredigion yn gyffredinol. Rydym bellach wedi cynnal trafodaethau â'r Bwrdd Iechyd lleol ac edrychwn ymlaen at glywed am ddatblygiadau yn y dyfodol o ran ei weledigaeth ar gyfer gofal iechyd a gofal cymdeithasol integredig yma'n lleol. Er nad ydym wedi cytuno bob tro, credaf fod hyn yn dangos ein bod yn gallu cyflawni pethau fel Cyngor.

 

Mae Cyngor Cymuned y Borth wedi cydweithio'n agos â Hwb Cymunedol y Borth sydd, yn eu tro, wedi elwa ar gymorth cynllun Wardeniaid Argyfwng y Borth er mwyn cynnig cefnogaeth i aelodau o'n cymuned.  Rydym yn ddiolchgar i bawb a fu'n rhan o hyn am ymdrechu i ddangos ysbryd cymunedol y Borth ar ei orau. Diolch yn fawr i gymuned y Borth.

 

O ran y dyfodol, ymddengys y byddwn yn gallu dychwelyd i gyfarfodydd wyneb yn wyneb yn hwyrach eleni. Edrychaf ymlaen yn fawr at hyn. Bydd yn dal angen inni ystyried materion megis llifogydd mewn gwahanol rannau o'r pentref. Gobeithiaf y byddwn yn ddefnyddio ein dylanwad i wneud gwahaniaeth.  Mae goryrru drwy'r pentref yn destun pryder inni'n rheolaidd. Byddwn yn parhau i dynnu sylw'r awdurdodau sy'n gyfrifol am ddelio â'r materion at y broblem hon. Gwelaf ar agenda'r cyfarfod nesaf fod cerbydau gwersylla, a lle y dewisant barcio yn y pentref, wedi'u codi. Bydd angen inni ystyried y mater hwn yn y dyfodol. Edrychaf ymlaen yn eiddgar hefyd at weld beth ddaw o grŵp Borth 2030 a sut y gallem ehangu ar hyn ymhellach drwy gynnal ymgynghoriad cyhoeddus a gweld prosiectau go iawn yn cael eu cynnal ymhen hir a hwyr er mwyn gwella ein cymuned.

 

Mae fy nyled yn fawr i Ray am gefnogi Cyngor Cymuned y Borth gydol y flwyddyn ac am ddiweddaru'r Cyngor yn rheolaidd ynghylch y datblygiadau sirol o ran y Coronfeirws. 

 

Diolchaf i James am sicrhau bod yr hysbysiadau yn cael eu gosod ar yr hysbysfyrddau'n brydlon.

 

Graham, diolch yn fawr ichi am barhau i weithio mor ddiwyd ar y wefan gymunedol.

 

Dylwn hefyd ddiolch i wahanol aelodau o'r gymuned sy'n mynychu cyfarfodydd Cyngor Cymuned y Borth yn rheolaidd ac sy’n craffu ar hyn a wnawn. 

 

Margaret, diolch am gadw trefn arnom ac am bopeth a wnewch ar ran Cyngor Cymuned y Borth.

 

Yn olaf, hoffwn ddiolch i'm cyd-Aelodau am ymdrechu i barhau i gefnogi'r gymuned yn un o'i blynyddoedd mwyaf heriol. Gobeithiaf y gall y Cyngor barhau i wella'r Borth hyd eithaf ei allu. Dyna, wedi'r cyfan, pam yr ydym ni gyd yma.

 

 

7.  Dim cwestiynau.

 

 

8.  Mae'r gweithredoedd ar gael i'w harchwilio drwy drefnu apwyntiad â'r Clerc.

 

 

9.  Am nad oedd rhagor o faterion i'w trafod, daeth y Cadeirydd â'r cyfarfod i ben am 18.59 o'r gloch.